La 3 sngi kattu kiwa chah ktah ha u COVID-19 ha India da tam ki 30 hajar ngut heiwa ha kini ki 24 kynta da em 34,884 ngut, katkam ka yukheiñ ka Ministry of Health & Family Welfare waka ICMR.
Kiwa chait da em ki 17,994 ngut, kiwa yap da em sa 671 ngut katwa kiwa em ya uni u khñiang da ku da 16,219 ngut.
Ka jylla wa boon dooh wa ku kiwa dang em ya uni u khñiang toh ka Maharashtra kawa ku da 5,833 ngut, ka Karnataka 2,550 ngut, ka Andhra Pradesh 1,655 ngut, ka Tamil Nadu 1,068 ngut waka West Bengal 1,030 ngut.
Na kiwa hiar kiwa dang em ya u COVID-19, ka Delhi iwa man kattu 11 sngi da duna biang kiwa dang em ya uni u khñiang deiwa hiar 172 ngut.
Hapoh ka ri kiwa chait da em ki 62.94% iwa hiar naka 63.33% kiwa em 653,751 ngut, kiwa dang em ya uni u khñiang da em ki 34.53% iwa ku naka 34.12% kiwa em 358,692 ngut katwa kiwa yap da em ki 2.53% kiwa em waroh 26,273 ngut. Waroh deilang da em 10,38,716.
Kiwa chait da tam ki da 2,95,059 ngut ya kiwa dang em ya uni u khñiang iwa ku da 1,775 ngut nadooh ynnin ka sngi.
