Kiwa chah ktah ha u COVID-19 dang boon ki katwa dang lai ki sngi hapoh ka ri heiwa ha kini ki 24 kynta da em 26,506 ngut iwa boon dooh haka chi sngi wei da man leh ka sngi wa 8 wa man-ka-sngi da tam 20 hajar kiwa chah ktah, katkam ka yuhkheiñ ka MoHFW waka ICMR.
Na kini ki 26,506 ngut, kiwa chait da em ki 19,138 ngut, kiwa dang em ya uni u khñiang da ku 6,893 ngut wa kiwa yap da em sa 475 ngut.
Ha Maharashtra kiwa dang em ya uni u khñiang da ku 2,589 ngut, ha Karnataka da ku da 1,255 ngut kiwa man ki jylla wa ku da palat chi hajar ngut. Ha Delhi won haka sngi wa ar da hiar biang kiwa dang em ya uni u khñiang kiwa da duna sa 1,885 ngut.
Ka Delhi kawa em hei wa le wa chah ktah dooh, da em ko leh 82,226 ngut kiwa chait na 1,07,051 ngut kiwa da yoh COVID-19 katwa kiwa dang em ya uni u khñiang kiwa da em 21,567 ngut. Iwa mut wa ka Recovery Rate da man ko 76.81% iwa man iwa soo wa heh dooh hapoh ka ri.
Kiwa chait ha waroh ka ri won da em ki 62.42% (iwa ku da 0.34%) kiwa em 495,513 ngut, kiwa dang em ya uni u khñiang da em ki 34.86% (iwa hiar da 0.31%) kiwa em 276,685 ngut katwa kiwa yap da em ki 2.72% kiwa em 21,604 ngut.
Kiwa chait na u COVID-19 da tam ki da 2,18,834 ngut ya kiwa dang em ya uni u khñiang iwa ku da 12,245 nadooh ynnin ka sngi.
