Ka India da poi ko sa ha uwi u moomær haka thma wow jop yaka khlam COVID-19 heiwa ynne kiwa chait da tam ki da palat 1 klur ngut ya kiwa dang chah ktah heiwa waroh kiwa da chait da em ki 1,02,11,342 ngut katwa kiwa dang em ya uni u khñiang da em ki 2,08,012 ngut.
Kiwa dang yoh ya uni u khñiang ha kini ki 24 kynta da em ki 13,788 ngut, kiwa dang chait 14,457 ngut, kiwa dang yap 145 ngut iwa mut wa kiwa dang em ya uni u khñiang da duna ki da 814 ngut.
I em kiwa yap hapoh 150 ngut da man i leh i sien nyngkong dooh hadien 7 bnai 23 sngi iwa da jia ha ka 05-26-20 wa em 146 ngut kiwa yap.
Na kiwa dang chait, 72% toh kiwa em ha ki 7 tylli ki jylla kiwa boon dooh ha Kerala 4,408 ngut, Maharashtra 2,342 ngut, Karnataka 855 ngut, Tamil Nadu 770 ngut, Gujarat 704 ngut, Uttar Pradesh 666 ngut wa ha West Bengal 621 ngut.
76% na kiwa dang yoh toh kiwa em ha ki 6 tylli ki jylla kiwa boon dooh ha Kerala 5,005 ngut, Maharashtra 3,081 ngut, Karnataka 745 ngut, Tamil Nadu 589 ngut, West Bengal 565 ngut wa ha Gujarat 518 ngut.
Waroh kiwa chait da em ki 96.59% kiwa ku naka 96.58% kiwa em 1,02,11,342 ngut, kiwa dang chah ktah da em ki 1.97% kiwa hiar naka 1.98% kiwa em 2,08,012 ngut; 1.44% kiwa yap kiwa em 1,52,419 ngut, deilang da poi 1,05,71,773 ngut kiwa da dep yoh ya uni u khñiang hapoh ka ri.
Kiwa chait da tam ki da 1,00,03,330 ya kiwa dang em ya uni u khñiang iwa ku da 15,271 ngut nadooh ynnin ka sngi.
