Kiwa dang chah ktah ha u COVID-19 ha India ha kini ki 24 kynta da tam biang ki ya waroh kiwi ki sngi wa da lai deiwa em 66,999 ngut katkam ka yukheiñ ka Ministry of Health & Family Welfare.
Na kiwa dang chah ktah, kiwa chait da em ki 56,383 ngut iwa man leh iwa boon dooh haka chi sngi, kiwa yap da em sa 942 ngut katwa kiwa dang em ya uni u khñiang da ku ki da 9674 ngut.
Ki jylla wa boon dooh kiwa chait toh ha Maharashtra 13,408 ngut, Karnataka 7034 ngut, Andhra Pradesh 6676 ngut, Tamil Nadu 5633 ngut, Uttar Pradesh 4072 ngut, Bihar 3077 ngut, West Bengal 2725 ngut wa Assam 2136 ngut.
Da em leh 6 tylli ki jylla wa da hiar kiwa dang em ya uni u khñiang wa kynthup yaka Maharashtra kawa hiar da 1040 ngut. Katwa ka jylla wa ku boon dooh kiwa dang em ya uni u khñiang toh ka Andhra Praseh 2828 ngut.
Waroh kiwa chait hapoh ka ri da em ki 70.77% iwa ku naka 70.38% kiwa em waroh 16,95,982 ngut. Kiwa dang em ya uni u khñiang da em ki 27.27% iwa hiar naka 27.64% kiwa em 6,53,622 ngut wa 1.96% kiwa yap wa em 47,033 ngut. Waroh da poi 23,96,637 ngut kiwa da dep yoh COVID-19.
Kiwa chait da tam ki da 10,42,360 ngut ya kiwa dang em ya uni u khñiang iwa ku da 46,709 ngut nadooh ynnin ka sngi.
