La 6 sngi kiwa chah ktah ha u COVID-19 ha India da em ki palat 50 hajar ngut heiwa ha kini ki 24 kynta hadooh i step ynne ka 4 tarik da em 52,050 ngut kiwa dang chah ktah katkam ka yukheiñ ka Ministry of Health & Family Welfare.
Kiwa dang chait da em ki 44,306 ngut iwa da pynpoi ya waroh kiwa da chait wow tam 12 lak ngut. Kiwa dang em ya uni u khñiang da ku ki da 6,941 ngut wei da em leh sa 803 ngut kiwa dang yap.
Ki jylla wa boon dooh kiwa dang chait toh ha Maharashtra 10,221 ngut, Tamil Nadu 5,800 ngut, Andhra Pradesh 5,786 ngut, Karnataka 4,775 ngut , Uttar Pradesh 2,225 ngut, West Bengal 2,088 ngut wa ha Telangana 2,085 ngut.
Hapoh ka ri waroh kawi, kiwa chait da em ki 66.31% iwa ku naka 65.44% kiwa da em 12,30,509 ngut. Kiwa dang em ya uni u khñiang da em ki 31.59% iwa hiar naka 32.12% kiwa em 5,86,298 ngut wa 2.10% kiwa yap kiwa em 38,938 ngut. Waroh da poi 18,55,745 ngut kiwa da dep yoh COVID-19 hapoh ka ri.
Kiwa da chait da tam ki da 6,44,211 ngut ya kiwa dang em ya uni u khñiang iwa ku da 37,365 ngut nadooh ynnin ka sngi.
