Kiwa yoh COVID-19 ha India da tam ki 13 lak ngut deiwa em 48,916 ngut kiwa chah ktah ha kini ki 24 kynta itæ hadooh 8 waje i step ka 25 tarik, katkam ka yukheiñ ka Ministry of Health and Family Welfare & ICMR.
Kiwa dang chait da em ki 32,223 ngut, kiwa yap da em sa 757 ngut katwa kiwa dang em ya uni u khñiang da ku da 15,936 ngut.
Na ki jylla wa ku dooh kiwa dang em ya u COVID-19 toh ka Andhra Pradesh 5,718 ngut, Maharashtra 3,623 ngut, Karnataka 2,862 ngut, Odisha 780 ngut, Uttar Pradesh 699 ngut waka Telangana 625 ngut.
Ha Delhi dang pteiñ biang wow hiar kiwa dang em ya uni u khñiang heiwa da hiar biang da 873 ngut heiwa da em 1,10,931 ngut kiwa da chait wei kiwa dang em ya uni u khñiang da em ki 13,681 ngut.
Hapoh ka ri, kiwa chait da em ki 63.54% iwa ku na 63.45% deiwa em 849,432 ngut. Kiwa dang em ya uni u khñiang da em ki 34.11% iwa hiar naka 34.17% kiwa em 456,071 ngut, kiwa yap da em ki 2.35% deiwa em 31,358. Waroh kiwa yoh da poi ki 13,36,861 ngut.
Kiwa chait da tam ki da 3,93,361 ngut ya kiwa dang em ya uni u khñiang iwa ku da 16,287 ngut nadooh ynnin ka sngi.
