Kiwa dang yoh COVID-19 ha India dang pteiñ hi ki wow duna heiwa haka sien wa ar ha uni u bnai da em ki hapoh 50 hajar ngut deiwa em 45,148 ngut iwa man leh iwa duna dooh ha uni u bnai. Kiwa dang chait dang pteiñ hi ki wow boon ya kiwa dang yoh deiwa em 59,105 ngut, kiwa dang yap da em 480 ngut iwa mut wa kiwa dang em ya uni u khñiang da hiar ki da 14,427 ngut ha kini ki 24 kynta katkam ka yukheiñ ka Ministry of Health & Family Welfare.
Kiwa dang yap leh toh kiwa duna katwa dang mih ki sngi heiwa ki 480 ngut kiwa dang yap toh iwa duna dooh nadooh u Naiynñiaw.
Na kiwa dang yap 23% toh kiwa na Maharashtra kiwa em 112 ngut, pynbood saka West Bengal 60, Delhi 33, Karnataka 32, Tamil Nadu 31, Uttar Pradesh 28, Kerala 26, Chattisgarh 25, Andhra Pradesh 21 wa ha Odisha 16.
Kiwa boon dooh kiwa dang chait toh ha Karnataka 10,106 ngut, Kerala 7,649 ngut, Maharashtra 5,648 ngut, Tamil Nadu 4,019 ngut, West Bengal 3,857 ngut, Delhi 3,826 ngut, Andhra Pradesh 3,585 ngut, Assam 2,961 ngut, Uttar Pradesh 2,368 ngut wa ha Rajasthan 2,240 ngut.
Kiwa dang yoh kiwa boon dooh toh ha Kerala 6,843 ngut, Maharashtra 6,059 ngut, Karnataka 4,439 ngut, Delhi 4,136 ngut, West Bengal 4,127 ngut, Andhra Pradesh 2,997 ngut, Tamil Nadu 2,869 ngut, Uttar Pradesh 2,032 ngut, Rajasthan 1,821 ngut wa ha Odisha 1,622 ngut.
Kiwa da chait hapoh ka ri da da em ki 90.23% iwa ku naka 90.00% kiwa em 71,37,228 ngut; kiwa dang em ya uni u khñiang da em ki 8.26% iwa hiar naka 8.50% kiwa em 6,53,717 ngut wa 1.50% kiwa yap kiwa em 1,19,014 ngut. Waroh kiwa da dep yoh da em ki 79,09,959 ngut.
Kiwa chait da tam ki da 64,83,571 ngut ya kiwa dang em ya uni u khñiang iwa ku da 73,542 ngut nadooh ynnin ka sngi.
