Kiwa chait na u COVID-19 ha India da em biang ki palat 3 lak ngut wei da boon biang da kiwa chait ya kiwa dang yoh la soo sngi kamjooh kiwa dang yoh da neh ki hapoh 3 lak ngut la soo sngi.
Kiwa dang yoh ha kini ki 24 kynta da em ki 2,51,209 ngut, kiwa chait 3,47,443 ngut kiwa yap 627 ngut iwa mut wa kiwa dang chah ktah da hiar ki da 96,861 ngut.
Ynnin da em 28 tylli ki jylla wa boon da kiwa chait ya kiwa dang yoh heiwa ha Karnataka da tam da kiwa chait 29,198 ngut, West Bengal 11,644 ngut, Maharashtra 11,325 ngut wa ha Gujarat 10,308 ngut.
Ynnin da leh 15,82,307 tylli ki Test heiwa kiwa chah ktah da em ki 15.88% kawa tip kam ka Positivity Rate kawa da hiar naka 19.59% ynnin.
Waroh kiwa dang chah ktah da em ki 21,05,611 ngut iwa mut 5.18%, kiwa da chait 3,80,24,771 ngut kiwa em 93.60%, kiwa yap 4,92,327 ngut kiwa em 1.21%.
Heiyatoh wa i e tika da dep wow e la 1,64,44,73,216 sien heiwa ynnin ka sngi da e 57,35,692 sien.
