Kiwa dang yoh COVID-19 ha India ha kini ki 24 kynta da em ki 79,476 ngut iwa da pynpoi leh ya kiwa yap cha ka 1 lak ngut katkam ka yukheiñ ka Ministry of Health & Family Welfare.
Kiwa dang chait da em ki 75,628 ngut, kiwa dang em ya uni u khñiang da ku ki da 2,779 ngut wei da em leh sa 1,069 ngut kiwa dang yap.
Kiwa boon dooh kiwa dang yap da em ki ha Maharashtra 424 ngut wa ha Karnataka 125 ngut.
Kiwa dang chait kiwa boon dooh toh ha Maharashtra 13,294 ngut, Andhra Pradesh 7485 ngut, Karnataka 7094 ngut, Tamil Nadu 5603 ngut, Uttar Pradesh 5107 ngut wa ha Odisha 4084 ngut.
Da em leh 20 tylli ki jylla kiwa da boon kiwa dang chait ya kiwa dang yoh ha kini ki 24 kynta kiwa boon dooh ha Uttar Pradesh 1266 ngut, Andhra Pradesh 961 ngut, Punjab 828 ngut wa ha Chhattisgarh 775 ngut.
Kiwa da chait hapoh ka ri da em ki 83.84% iwa ku naka 83.70% kiwa em 54,27,706 ngut; kiwa dang em ya uni u khñiang da em ki 14.60% iwa hiar naka 14.74% kiwa em 9,44,996 ngut; wa 1.56% kiwa yap kiwa em 1,00,842 ngut. Waroh da em 64,73,544 ngut kiwa da dep yoh ya uni u khñiang.
Kiwa chait da tam ki da 44,82,710 ngut ya kiwa dang em ya uni u khñiang iwa ku da 72,849 ngut nadooh ynnin ka sngi.
