Ha kini ki 24 kynta, kiwa yoh COVID-19 ha India da tam ki 10 lak ngut deiwa ku haka sien nyngong palat 30 hajar kiwa chah ktah haka chi sngi deiwa em 34,956 ngut, katkam ka yukheiñ ka Ministry of Health & Family Welfare wa ka ICMR.
Na kini ki 34,956 ngut, kiwa chait da em ki 22,942 ngut, kiwa yap da em sa 687 ngut wei kiwa dang em ya uni u khñiang da ku da 11,327 ngut.
Ki jylla wa ku da 500 chaneiñ kiwa dang em ya u COVID-19 da em ki 8 tylli heiwa kiwa boon dooh toh ha Maharashtra wa ku da 2,848 ngut, ka Karnataka 2,802 ngut, ka Andhra Pradesh 1,538 ngut waka Uttar Pradesh 1,092 ngut.
Ha Delhi won la 10 sngi da duna biang kiwa dang em ya uni u khñiang heiwa ha kini ki 24 kynta da hiar sa 400 ngut iwa man du ha Delhi hapoh ka ri wa duna kiwa dang chah ktah man-ka-sngi.
Hapoh ka ri, kiwa chait da em ki 63.33% iwa ku naka 63.25% kiwa em 635,757 ngut, kiwa dang em ya uni u khñiang da em ki 34.12% iwa hiar naka 34.18% kiwa em 342,473 ngut wa 2.55% kiwa yap kiwa em 25,602 ngut. Kini waroh da pynpoi ko ya kiwa da chah ktah cha 10,03,832 ngut.
Kiwa chait da tam ki da 2,93,284 ngut ya kiwa dang em ya uni u khñiang iwa ku da 11,615 ngut nadooh ynnin ka sngi.
