Kiwa yoh COVID-19 hapoh ka ri India da tam ki 12 lak ngut hadien wa em sa 45,720 ngut kiwa chah ktah ha kini ki 24 kynta hadooh ynne i step ka 23 tarik iwa man leh iwa boon dooh hadooh ynne, katkam i yukheiñ ka Ministry of Health & Family Welfare.
Ini i poi 12 lak ka ri toh deiwa boon dooh kiwa chait haka chi sngi kamjooh leh kiwa yap.
Na kini kiwa dang chah ktah, da em 29,557 ngut kiwa chait iwa man leh iwa boon dooh haka chi sngi, tangwa kiwa dang em ya uni u khñiang leh da ku sa 15,034 ngut wa 1,129 ngut kiwa yap iwa man leh iwa boon dooh haka chi sngi.
Ki jylla wa ku dooh kiwa dang em ya u COVID-19 toh ka Maharashtra 4,744 ngut, Karnataka 2,929 ngut, Assam 1,384 ngut, Telangana 1,264 ngut, Kerala 765 ngut, West Bengal 637 ngut, Odisha 633 ngut waka Uttar Pradesh 621 ngut.
Ha Delhi hadien wa ku biang kiwa dang yoh COVID-19 ynnin ka sngi, ynne won da hiar biang da 334 ngut.
Hapoh ka ri waroh kiwa chait da em ki 63.18% iwa ku naka 63.13% kiwa em 7,82,607 ngut. Kiwa dang em ya uni u khñiang da em ki 34.41% iwa hiar naka 34.46% kiwa em 4,26,167 ngut wa 2.41% kiwa yap kiwa em waroh 29,861 ngut. Waroh kini da em ki 12,38,635 ngut.
Kiwa da chait da tam ki da 3,56,440 ngut ya kiwa dang em ya uni u khñiang iwa ku da 14,523 ngut nadooh ynnin ka sngi.
