Kiwa da yoh COVID-19 ha India da tam ki 14 lak ngut deiwa em sa 49,931 ngut kiwa dang chah ktah ha kini ki 24 kynta katkam ka yukheiñ ka Ministry of Health & Family Welfare deilang waka ICMR.
Na kini ki 49,931 ngut, da em 31,991 ngut kiwa da chait iwa da man ka sngi wa soo wa da em bait palat 30 hajar kiwa chait kiwa waroh ynne ka sngi da tam ki 9 lak ngut. Kiwa dang em ya uni u khñiang da ku ki da 17,232 ngut wa sa 708 ngut kiwa yap.
Na ki jylla wa boon dooh wa ku kiwa dang em ya u COVID-19, ha Andhra Pradesh 4,525 ngut, Maharashtra 3,120 ngut, Karnataka 3,029 ngut, Uttar Pradesh 1,469 ngut wa ha Tamil Nadu 1,430 ngut.
Na ki kattu katni donhi ki jylla wa hiar kiwa dang em ya uni u khñiang, ha Delhi da hiar biang sa 753 ngut heiwa kiwa dang em ya uni u khñiang da em ki 11,904 ngut.
Waroh kiwa chait hapoh ka ri da em ki 63.92% kiwa em waroh 917,568, kiwa dang em ya uni u khñiang da em ki 33.80% kiwa em waroh 485,114 ngut wa 2.28% kiwa yap kiwa em 32,771 ngut. Waroh da poi 14,35,453 ngut.
Kiwa chait da tam ki da 4,32,454 ngut ya kiwa dang em ya uni u khñiang iwa ku da 14,759 ngut nadooh ynnin ka sngi.
