Kiwa dang chah ktah ha u COVID-19 ha India ha kini ki 24 kynta da em ki 65,002 ngut iwa da pynpoi ya kiwa dep yoh ya uni u khñiang palat 25 lak ngut, katkam ka yukheiñ ka Ministry of Health & Family Welfare.
Na kiwa dang chah ktah, 57,381 ngut toh kiwa dang chait iwa man leh iwa boon dooh haka chi sngi. Kiwa yap da em ki sa 996 ngut katwa kiwa dang em ya u COVID-19 da ku ki da 6,625 ngut.
Ki jyllawa boon dooh kiwa chait toh ha Maharashtra 10,484 ngut, Andhra Pradesh 9719 ngut, Karnataka 6940 ngut, Tamil Nadu 5556 ngut wa ha Uttar Pradesh 3740 ngut.
Ki jylla wa ku dooh kiwa dang em ya uni u khñiang toh Maharashtra 1760 ngut wa ha Bihar 1153 ngut.
Waroh kiwa chait hapoh ka ri da em ki 71.61% iwa ku naka 71.17% kiwa em 18,08,936 ngut. Kiwa dang em ya uni u khñiang da em ki 26.45% iwa hiar naka 26.88% kiwa em 6,68,220 ngut katwa kiwa yap da em ki 1.94% kiwa em waroh 49,036 ngut.
Kiwa chait da tam ki da 11,40,716 ngut ya kiwa dang em ya uni u khñiang iwa ku da 50,756 ngut nadooh ynnin ka sngi.
