Hapoh India da man ko ka sngi wa 5 wa da tam bait 50 hajar ngut kiwa chah ktah ha u COVID-19 man-ka-sngi heiwa ha kini ki 24 kytna kiwa chah ktah da em ki 52,972 ngut, katkam ka yukheiñ ka Ministry of Health & Family Welfare deilang waka ICMR.
Na kini ki 52,972 ngut, kiwa chait da em ki 40,574 ngut, kiwa dang em ya uni u khñiang da ku da 11,627 ngut wa sa 771 ngut wa yap iwa da pynpoi 18 lak ngut kiwa da dep yoh COVID-19 hapoh ka ri.
Na ki jylla wa boon dooh kiwa dang chait toh ha Maharashtra 9926 ngut, Andhra Pradesh 6272 ngut, Tamil Nadu 5517 ngut, Karnataka 4077 ngut, West Bengal 2213 ngut, Uttar Pradesh 1834 ngut, Bihar 1395 ngut, Delhi 1186 wa ha Telengana 1088 ngut.
Kiwa da chait hapoh ka ri da em ki 65.77% iwa ku naka 65.44% kiwa em waroh 11,86,203 ngut, kiwa dang em ya uni u khñiang da em ki 32.12% iwa hiar naka 32.43% kiwa em waroh 579,357 ngut, kiwa yap da em ki 2.11% kiwa em 38,135 ngut. Waroh da poi 18,03,695 ngut kiwa da dep yoh COVID-19 hapoh India.
Kiwa chait da tam ki 6,06,846 ngut ya kiwa dang em ya uni u khñiang iwa ku da 28,947 ngut nadooh ynnin ka sngi.
