Ynne da dap chi tayaw wa man-ka-sngi kiwa chah ktah ha u COVID-19 da em 20 hajar chaneiñ, heiwa ha kini ki 24 kynta itæ hadooh 8 waje i step ka 9 tarik da em 24,879 ngut kiwa chah ktah iwa man leh iwa boon dooh ha kini ki 7 sngi.
Na kini ki 24,879 ngut, kiwa chait da em ki 19,547 ngut, kiwa dang em ya uni u khñiang da ku ki da 4,845 ngut katwa kiwa yap da em sa 487 ngut.
Ki jylla wa ku kiwa dang em ya u COVID-19 toh ha Maharashtra 1,771 ngut, Karnataka 1,230 ngut waka Telangana 921 ngut.
Ka Delhi kawi na kiwa chah ktah dooh, da hiar kiwa dang em ya u COVID-19 da 1,997 ngut heiwa da em ko waroh 74,167 ngut kiwa chait wa 46,483 ngut kiwa dang em ya uni u khñiang.
Kiwa chait hapoh ka ri leh da ku ki cha 62.08% (iwa ku 0.55%) kiwa em 476,378 ngut, kiwa dang em ya uni u khñiang da em ki 35.17% (iwa hiar da 0.53%) kiwa em 269,789 ngut, kiwa yap da em ki 2.75% kiwa em waroh 21,129. Waroh kini da em 7,67,296 ngut kiwa chah ktah hapoh ka ri.
Kiwa chait da tam ki da 2,06,589 ya kiwa dang em ya uni u khñiang iwa ku da 14,702 ngut nadooh ynnin ka sngi.
