Kiwa chait na u COVID-19 ha India da tam ki 20 lak hadien wa em 60,091 ngut kiwa dang chait iwa man leh iwa boon dooh haka chi sngi katkam ka yukheiñ ka Ministry of Health & Family Welfare.
Kiwa dang chah ktah ha kini ki 24 kynta hadooh i step ka 19 tarik da em ki 64,531 ngut heiwa kiwa chait toh 60,091 ngut, kiwa dang yap da em 1,092 ngut katwa kiwa dang em ya uni u khñiang da ku ki da 3,348 ngut.
Ki jylla kiwa boon dooh kiwa chait da em ki ha Maharashtra 9356 ngut, Andhra Pradesh 9211 ngut, Karnataka 8387 ngut, Tamil Nadu 5850 ngut, Uttar Pradesh 4799 ngut, Bihar 3878 ngut wa ha West Bengal 2987 ngut.
Ki jylla wa ku dooh kiwa dang em ya u COVID-19 toh ha Maharashtra 1341 ngut, Assam 968 ngut wa ha Odisha 695 ngut.
Hapoh ka ri, kiwa chait da em ki 73.64% iwa ku naka 73.18% kiwa em 20,37,870 ngut, kiwa dang em ya uni u khñiang da em ki 24.45% iwa hiar naka 24.91% kiwa em 6,76,514 ngut wa 1.91% kiwa yap kiwa em 52,889 ngut. Waroh da em 27,67,273 ngut kiwa da dep yoh COVID-19.
Kiwa chait da tam ki da 13,61,356 ngut ya kiwa dang em ya u COVID-19 iwa ku da 56,743 ngut nadooh ynnin ka sngi.
