Kiwa dang chah ktah ha u COVID-19 ha India da tam biang ki ya waroh kiwi ki sngi deiwa em 64,399 ngut kiwa dang chah ktah ha kini ki 24 kynta hadooh i step ka 9 tarik iwa da pynpoi leh ya waroh kiwa da dep chah ktah palat 21 lak ngut, katkam ka yukheiñ ka Ministry of Health & Family Welfare ka ri.
Na kiwa dang chah ktah, kiwa chait da em ki 53,879 ngut, kiwa yap da em sa 861 ngut katwa kiwa dang em ya uni u khñiang da ku ki da 9,659 ngut.
Ki jylla wa boon dooh kiwa dang chait toh ha Maharashtra 11,081 ngut, Andhra Pradesh 9151 ngut, Tamil Nadu 5043 ngut, Karnataka 5006 ngut, Bihar 3761 ngut, Uttar Pradesh 2999 ngut wa ha West Bengal 2064 ngut.
Ki kylla wa boon dooh wa ku kiwa dang em ya u COVID-19 toh ha Karnataka 2079 ngut, ha Uttar Pradesh 1614 ngut wa ha Maharashtra 1466 ngut.
Hapoh ka ri kiwa chait da em ki 68.78% iwa ku naka 68.32% kiwa em waroh 14,80,884 ngut, kiwa dang em ya uni u khñiang da em ki 29.20% iwa hiar naka 29.64% kiwa em 628,747 ngut wa 2.02% kiwa yap kiwa em 43,379 ngut. Waroh da poi ki 21,53,010 ngut kiwa da dep yoh COVID-19 ha India.
Kiwa chait won da tam da ki da 8,52,137 ngut ya kiwa dang em ya uni u khñiang iwa ku da 44,220 ngut nadooh ynnin ka sngi.
