Kiwa chah ktah ha u COVID-19 haka sien wa nyngkong hapoh ka ri India da tam ki 70 hajar haka chi sngi deiwa em 75,760 ngut hadooh ynne i step ka 27 tarik katkam ka yukheiñ ka Ministry of Health & Family Welfare.
Kiwa dang chait da em ki 56,013 ngut, kiwa yap da em sa 1023 ngut katwa kiwa dang em ya uni u khñiang da ku ki da 18,724 ngut iwa man leh i sien wa nyngkong nadooh wa sdang uni u bnai wa ku kiwa dang em uni u khñiang palat 15 hajar ngut chi sngi.
I ku kiwa dang em ya uni u khñiang toh neidaw wa ku kiwa dang yoh ha Maharashtra 6956 ngut, ha Andhra Pradesh 2276 ngut, Telangana 1915 ngut, Uttar Pradesh 1742 ngut, Karnataka 1198 wa ha Kerala 1112 ngut.
Kiwa dang chait kiwa boon em ki ha Andhra Pradesh 8473 ngut, Maharashtra 7637 ngut, Karnataka 7249, Assam 2148 ngut wa ha Bihar 2060 ngut.
Hapoh ka ri kiwa chait da em ki 76.24% iwa hiar naka 76.30% kiwa em waroh 25,23,771 ngut, kiwa dang em ya uni u khñiang da em ki 21.93% iwa ku naka 21.87% kiwa em 7,25,991 ngut wa 1.83% kiwa yap kiwa em 60,472 ngut. Waroh da em 33,10234 ngut kiwa yoh COVID-19 ha India.
Kiwa chait da tam ki da 17,97,780 ngut ya kiwa dang em ya uni u khñiang iwa ku da 37,289 ngut nadooh ynnin ka sngi.
