Hadien 3 sngi wa neh kiwa dang yoh COVID-19 ha India hapoh 40,000 ngut, ha kini ki 24 kynta da tam biang 40,000 ngut heiwa kiwa dang yoh leh da boon ki ya kiwa chait tangwa kiwa dang yoh da neh ki hapoh 50,000 ngut la 18 sngi khlem sangeh.
Kiwa dang yoh da em ki 41,806 ngut, kiwa dang chait da em ki 39,130 ngut, kiwa yap 581 ngut iwa mut wa kiwa dang em ya uni u khñiang da ku ki da 2,095 ngut.
Ha kini ki 24 kynta da em 13 tylli ki jylla wa boon da kiwa dang yoh kiwa kynthup ya ka Andaman & Nicobar Islands (02), Arunachal Pradesh (177), Bihar (03), Dadra and Nagar Haveli and Daman and Diu (01), Delhi (05), Goa (56), Kerala (2535), Maharashtra (2365), Manipur (504), Mizoram (310), Nagaland (55), Telangana (139) wa ha Tripura (240).
Ki jylla wa boon dooh kiwa dang chah ktah toh ha Kerala (1,18,197), Maharashtra (1,10,056), Karnataka (33,665), Tamil Nadu (30,600), Andhra Pradesh (25,957), Assam (21,000), Odisha (20,308), West Bengal (13,847) wa ha Telangana (10,203).
Ynnin ka sngi da leh 19,43,488 tylli ki Test heiwa kiwa chah ktah da em ki 2.15% kawa tip leh kam ka Positivity Rate kawa da neh hapoh 3% la 24 sngi kattu.
Heiyatoh wa i e tika, da dep wow e la 39,13,40,491 sien heiwa ynnin ka sngi da e 34,97,058 sien.
Waroh kiwa da chait da em ki 97.28% kiwa em 3,01,43,850 ngut, kiwa dang chah ktah da em ki 1.39% kiwa em 4,32,041 ngut, kiwa yap 1.33% kiwa em 4,11,989 ngut, deilang dapoi 3,09,87,880 ngut kiwa da dep yoh ya uni u khñiang hapoh ka ri.
Kiwa da yoh tika hadooh ka 14-07-21 
