Kiwa chah ktah ha u CVOID-19 hapoh ka ri dang pteiñ hi ki wow em biang palat 30 hajar ngut man-ka-sngi heiwa ha kini ki 24 kynta da em 37,148 ngut kiwa chah ktah, katkam ka yukheiñ ka Ministry of Health & Family Welfare.
Na kini, da em 24,491 ngut kiwa chait, sa 587 ngut kiwa yap katwa kiwa dang em ya uni u khñiang da ku da 12,070 ngut.
Ki jylla wa ku bha kiwa dang em ya u COVID-19 toh ka Karnataka 2,846 ngut, ka Andhra Pradesh 2,682 ngut, ka Maharashtra 2,604 ngut, ka Tamil Nadu 1,054 ngut, ka Uttar Pradesh 881 ngut, ka West Bengal 712 ngut waka Kerala 548 ngut.
Ha Delhi won kiwa dang em ya uni u khñiang da hiar biang la 14 sngi kattu heiwa ha kini ki 24 kynta da duna sa 865 ngut.
Hapoh ka ri, kiwa chait da em ki 62.72% iwa ku naka 62.62% kiwa em 724,578 ngut, kiwa dang em ya uni u khñiang da em ki 34.85% iwa hiar naka 34.92% kiwa em 402,529 ngut katwa kiwa yap da em ki 2.43% iwa hiar naka 2.46% kiwa em waroh 28,084 ngut. Waroh kini da poi 11,55,191 ngut kiwa chah ktah hapoh ka ri.
Kiwa chait da tam ki da 3,22,049 ngut ya kiwa dang em ya uni u khñiang iwa ku da 12,421 ngut nadooh ynnin ka sngi.
