Kiwa yoh COVID-19 ha India da em ki 7,19,665 ngut hadien wa 5 sngi da tam bait 20 hajar kiwa chah ktah man-ka-sngi heiwa ha kini ki 24 kynta hadooh 8 waje i step ka 7 tarik, kiwa chah ktah da em ki 22,252 ngut, katkam ka yukheiñ ka MoHFW deilang waka ICMR.
Naki 22,252 ngut, kiwa chait da em ki 15,515 ngut, kiwa dang em ya uni u khñiang da ku ki da 6,270 ngut katwa kiwa yap da em sa 467 ngut.
Na ki jylla wa chah ktah dooh, ka Delhi da man ko kawa le kawa da tam chi lak kiwa yoh COVID-19 heiwa da em ki 1,00,823 ngut, kiwa chait da em ki 72,088 ngut, kiwa dang em ya uni u khñiang da em ki 25,620 ngut wa 3,115 ngut kiwa yap.
Ki jylla wa da tam 1000 ngut wa ku kiwa dang em ya u COVID-19 ha kini ki 24 kynta toh ka Maharashtra 1,642 ngut waka Karnataka 1,134 ngut.
Haka ri waroh kawi, kiwa chait da em ki 61.13% (iwa ku da 0.27%) kiwa em 439,948 ngut, kiwa dang em ya uni u khñiang da em ki 36.07% (iwa hiar da 0.25%) kiwa em 259,557 ngut, kiwa yap da em ki 2.80% kiwa em waroh 20,160 ngut. Waroh kiwa da chah ktah da em ki 7,19,665 ngut.
Kiwa chait da tam ki da 1,80,391 ngut ya kiwa dang em ya u COVID-19 iwa ku da 9,245 ngut nadooh ynnin.
