Kiwa chah ktah ha u COVID-19 hapoh India da tam ki 8 lak ngut deiwa em sa 27,114 ngut kiwa chah ktah ha kini ki 24 kynta hadooh 8 waje i step ka 11 tarik katkam ka yukheiñ ka MoHFW waka ICMR.
Na kini ki 27,114 ngut, da em 19,879 ngut kiwa chait, kiwa dang em ya uni u khñiang da ku da 6,725 ngut wei da em leh sa 519 ngut kiwa yap.
Na ki jylla kiwa ku dooh kiwa dang em ya uni u khñiang toh ka Maharashtra 2,260 ngut, ka Karnataka 1,253 ngut, ka Uttar Pradesh 651 ngut, ka West Bengal 650 ngut waka Andhra Pradesh 553 ngut.
Ka Delhi haka sngi wa le da hiar biang kiwa yoh ya u COVID-19 sa 421 ngut wei da duna leh sa 547 ngut ha Tamil Nadu kawa man ka jylla ka wa ar wa chah ktah dooh hapoh ka ri.
Kiwa chait hapoh ka ri da em ki 62.78% (iwa ku na ka 62.42%) kiwa em 515,386 ngut, kiwa dang em ya uni u khñiang da em ki 34.52% (iwa hiar na 34.86%) kiwa em 283,407 ngut katwa kiwa yap da em ki 2.70% kiwa em 22,123 ngut iwa da hiar naka 2.72%.
Kiwa chait da tam ki da 2,31,979 ngut ya kiwa dang em ya uni u khñiang iwa ku da 13,145 ngut nadooh ynnin ka sngi.
