La san sngi ha India kiwa dang yoh COVID-19 khlem sangeh da em ki hapoh 30,000 ngut kamjooh kiwa chait da tam ki khlem sangeh ya kiwa dang yoh la 21 sngi heiwa ha kini ki 24 kynta kiwa dang yoh da em ki 22,890 ngut, kiwa dang chait da em ki 31,087 ngut, kiwa dang yap 338 ngut iwa mut wa kiwa dang em ya uni u khñiang da hiar ki da 8,535 ngut.
Ini i pteiñ u boon da kiwa chait da pynpoi ko wow tam ki da 30 chah ya kiwa dang em ya uni u khñiang kiwa da poi palat 92 lak ngut ynne ka sngi.
52% na waroh kiwa chait hapoh ka ri toh kiwa em ha ki 5 tylli ki jylla kiwa boon dooh ha Maharashtra, pynbood saka Karnataka, Andhra Pradesh, Tamil Nadu wa ka Kerala.
Na kiwa dang chait ha kini ki 24 kynta, 75% toh kiwa em ha ki 10 tylli ki jylla kiwa boon dooh ha Kerala 4,970 ngut, Maharashtra 4,358 ngut, West Bengal 2,747 ngut, Delhi 2,391 ngut, Rajasthan 1,974 ngut, Chhattisgarh 1,634 ngut, Karnataka 1,497 ngut, Madhya Pradesh 1,326 ngut, Gujarat 1,305 ngut wa ha Haryana 1,257 ngut.
76% kiwa dang yoh toh kiwa em ha ki 10 tylli ki jylla kiwa boon dooh ha Kerala 4,969 ngut, West Bengal 2,245 ngut, Chhattisgarh 1,584 ngut, Uttar Pradesh 1,526 ngut, Delhi 1,363 ngut, Karnataka 1,236 ngut, Tamil Nadu 1,174 ngut, Madhya Pradesh 1,161 ngut, Rajasthan 1,122 ngut wa ha Gujarat 1,115 ngut.
Waroh kiwa da chait da em ki 95.40% iwa ku naka 95.31% kiwa em 95,20,827 ngut, kiwa dang em ya uni u khñiang da em ki 3.15% kiwa hiar naka 3.24% kiwa em 3,13,831 ngut, 1.45% kiwa yap kiwa em 1,44,789 ngut, deilang da em 99,79,447 ngut kiwa da dep yoh ya uni u khñiang hapoh ka ri.
Kiwa chait da tam ki da 92,06,996 ngut ya kiwa dang em ya uni u khñiang iwa ku da 39,622 ngut nadooh ynnin ka sngi.
