I lai luti ka India yow jop ya u COVID-19 dang pteiñ biang i deiwa boon biang da kiwa chait bar ya kiwa dang yoh ha kini ki 24 kynta deiwa em 82,753 ngut kiwa dang chait, 73,272 ngut kiwa dang yoh wa 926 ngut kiwa dang yap iwa mut wa kiwa dang em ya uni u khñiang da hiar ki da 10,407 ngut, katkam ka yukheiñ ka Ministry of Health & Family Welfare.
Kiwa dang chait kiwa boon dooh toh ha Maharashtra 17,323 ngut, Karnataka 9,091 ngut, Kerala 8,048 ngut, Andhra Pradesh 6,110 ngut, Tamil Nadu 5,357 ngut wa ha Uttar Pradesh 4,424 ngut.
Da em leh 24 tylli ki jylla wa da boon da kiwa chait ya kiwa dang yoh ha kini ki 24 kynta kiwa boon dooh ha Maharashtra 5,491 ngut, Uttar Pradesh 1,265 ngut, Assam 1,057 ngut, Andhra Pradesh 996 ngut, Odisha 724 ngut, Punjab 622 ngut wa ha Madhya Pradesh 620 ngut wa ha Uttarakhand 560 ngut.
Kiwa dang chait da em ki 85.81% kiwa ku naka 85.52% kiwa em 59,88,822 ngut; kiwa dang em ya uni u khñiang da em ki 12.65% iwa hiar naka 12.94% kiwa em 8,83,185 ngut wa 1.54% kiwa yap kiwa em 1,07,416 ngut. Waroh da em 69,79,423 ngut kiwa da dep yoh ya uni u khñiang ha India.
Kiwa chait da tam ki da 51,05,637 ngut ya kiwa dang em ya uni u khñiang iwa ku da 93,160 ngut nadooh ynnin ka sngi.
