Kiwa yoh COVID-19 ha India da em ki 697,413 ngut hadooh ynne i step ka 6 tarik katkam wa kheiñ ka Ministry of Health & Family Welfare, wei ini da tam ko yaka Russia kawa em 680,283 ngut kiwa yoh ya uni u khñiang khlam yow chim noh ka India yei kyrdan wa le naka Russai kam kawi na ki ri wa chah ktah dooh hapoh pyrthai.
Ha Russia da em 10,145 ngut ki wa yap, ha India da em 19,693. Kiwa chait ha Russia da em ki 449,995 ngut katwa ha India da em ki 424,433 ngut.
Ha khmat ka India da em saka Brazil kawa da dem 1,603,055 ngut kiwa yoh waka USA kawa em 2,888,483 ngut kiwa yoh.
Hapoh ka ri, ha kini ki 24 kynta da em 24,248 ngut kiwa chah ktah heiwa na kini da em 15,350 ngut kiwa chait, kiwa em ya uni u khñiang da ku ki da 8,473 ngut wei da em leh sa 425 ngut kiwa yap.
Kiwa chait da em ki 60.86% (iwa ku da 0.09%) kiwa em 424,433 ngut. Kiwa dang em ya uni u khñiang da em ki 36.32% (iwa hiar da 0.05%) kiwa em waroh 253,287 wa 2.82% kiwa yap kiwa em 19,693 ngut. Waroh da poi 697,413 ngut.
Kiwa chait da tam ki da 1,71,146 ngut ya kiwa dang em ya uni u khñiang iwa ku da 6,877 ngut nadooh ynnin.
