Kiwa dang yoh COVID-19 ha India da hiar biang ki hapoh 40,000 ngut hadien chi sngi heiwa kiwa dang yoh ha kini ki 24 kynta da em ki 38,949 ngut, kiwa dang chait da em ki 40,026 ngut, kiwa yap 542 ngut iwa mut wa kiwa dang em ya uni u khñiang da hiar ki da 1,619 ngut.
Ha kini ki 24 kynta ki jylla wa boon da kiwa dang yoh ya kiwa chait da em ki 10 tylli wa kynthup ya ka Andaman & Nicobar Islands wa tam da kiwa dang yoh 2 ngut, Bihar 11 ngut, Kerala 1316 ngut, Maharashtra 449 ngut, Manipur 348 ngut, Meghalaya 69 mgut, Mizoram 239 ngut, Nagaland 33 ngut, Sikkim 43 ngut wa ha Tripura 59 ngut.
Ki jylla wa boon dooh kiwa dang chah ktah toh ha Kerala (1,19,513), Maharashtra (1,10,505), Karnataka (32,406), Tamil Nadu (29,950), Andhra Pradesh (25,526), Assam (20,467), Odisha (19,789), West Bengal (13,637) wa ha Telangana (10,101).
Ynnin ka sngi da leh 19,55,910 tylli ki Test heiwa kiwa chah ktah da em ki 1.99% kawa tip kam ka Positivity Rate kawa da neh hapoh 3% la 25 sngi.
Heiyatoh wa i e tika hapoh ka ri, da dep wow e la 39,53,43,767 sien heiwa ynnin ka sngi da e 38,78,078 sien.
Waroh kiwa da chait da em ki 97.28% kiwa em 3,01,83,876 ngut, kiwa dang chah ktah da em ki 1.39% kiwa em 4,30,422 ngut, kiwa yap 1.33% kiwa em 4,12,531 ngut, deilang dapoi 3,10,26,829 ngut kiwa da dep yoh ya uni u khñiang hapoh ka ri.
