Kiwa dang chait na u COVID-19 ha India la 14 sngi khlem sangeh da boon ki ya kiwa dang yoh heiwa ha kini ki 24 kynta kiwa dang chait da em ki 2,83,135 ngut, kiwa dang yoh da em ki 2,11,298 ngut, kiwa dang yap da em ki 3,847 ngut iwa mut wa kiwa dang em ya uni u khñiang da hiar ki da 75,684 ngut.
Ha kini ki 24 kynta da em leh du 7 tylli ki jylla wa em palat 10,000 ngut kiwa dang yoh kitæ toh ha Tamil Nadu 33,764 ngut, Kerala 28,798 ngut, Karnataka 26,811 ngut, Maharashtra 24,752 ngut, Andhra Pradesh 18,285 ngut, West Bengal 16,225 ngut wa ha Odisha 11,623 ngut.
Ki jylla won kiwa em palat 1 lak ngut kiwa dang chah ktah da em sa du 6 tylli kiwa boon dooh ha Karnataka 4,09,945 ngut, Maharashtra 3,17,733 ngut, Tamil Nadu 3,10,224 ngut, Kerala 2,48,910 ngut, Andhra Pradesh 1,92,104 ngut wa ha West Bengal 1,23,377 ngut.
Ha kini ki 24 kynta da em leh du 11 tylli ki jylla wa boon da kiwa dang yoh ya kiwa dang chait kitæ ha Arunachal Pradesh wa tam kiwa yoh da 181 ngut, ha Goa 85 ngut, Ladakh 103 ngut, Maharashtra 695 ngut, Manipur 458 ngut, Meghalaya 84 ngut, Mizoram 74 ngut, Nagaland 117 ngut, Odisha 953 ngut, Sikkim 52 ngut wa ha Tamil Nadu 3572 ngut.
Waroh kiwa da chait da em ki 90.01% kiwa em 2,46,33,951 ngut, kiwa dang chah ktah da em ki 8.84% kiwa em 24,19,907 ngut, kiwa yap 1.15% kiwa em 3,15,235 ngut, deilang dapoi 2,73,69,093 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 20,25,29,884 sien heiwa ynnin ka sngi da e 17,19,931 sien.
