Ka ri India da poi ko sa cha uwi u moomær wa emkaam ha i yaleh pyrchah ya ka la-ær wa ar ka khlam COVID-19 deiwa hiar kiwa chah ktah hapoh 3 lak ngut kiwa em 2.99 lak ngut iwa duna dooh ki hadien 191 sngi heiwa kiwa dang yoh leh da neh ki hapoh 30,000 ngut la le sngi. Wei da tam leh 86 klur sien wa da dep e tika.
Kiwa dang yoh ha kini ki 24 kynta da em ki 26,041 ngut, kiwa chait 29,621 ngut wa 276 ngut kiwa yap iwa mut wa kiwa dang em ya uni u khñiang da hiar ki da 3856 ngut.
Ynnin ka sngi da em leh du 6 tylli ki jylla wa boon da kiwa dang yoh ya kiwa dang chait wa boon dooh wa tam kiwa dang yoh ha Manipur 41 ngut wa ha Tamil Nadu 22 ngut katwa ha kiwi da em ki hapoh 10 ngut.
Ki jylla wa boon dooh kiwa dang chah ktah toh ha Kerala (1,63,855), Maharashtra (41,428), Tamil Nadu (17,285), Mizoram (15,485), Andhra Pradesh (13,048), Karnataka (13,242), West Bengal (7,683), Odisha (5,316), Telangana (4,612) wa ha Assam (4,545).
Ki jylla wa duna dooh wa em kiwa dang chah ktah toh ha Dadra and Nagar Haveli and Daman and Diu (00), Lakshadweep (05), Andaman & Nicobar Islands (13), Chandigarh (41), Bihar (68), Rajasthan (77), Jharkhand (80), Madhya Pradesh (116), Gujarat (151), Ladakh (156), Uttar Pradesh (176), Uttarakhand (226), Tripura (278), Punjab (282), Chhattisgarh (285), Arunachal Pradesh (323), Haryana (335), Delhi (371), Nagaland (445), Sikkim (612), Puducherry (901) wa ha Goa (918).
Ynnin ka sngi da leh 11,65,006 tylli ki Test heiwa kiwa chah ktah da em ki 2.24% kawa tip leh kam ka Positivity Rate kawa da neh hapoh 3% la 94 sngi.
Heiyatoh wa i e tika hapoh ka ri, da dep wow e la 86,01,59,011 sien heiwa ynnin ka sngi da e 38,18,362 sien.
Waroh kiwa da chait da em ki 97.78% kiwa em 3,29,31,972 ngut, kiwa dang chah ktah 0.89% kiwa em 2,99,620 ngut wa 1.33% kiwa yap kiwa em 4,47,194 ngut, deilang dapoi 3,36,78,786 ngut kiwa da dep chah ktah hapoh ka ri.
