Kiwa dang yoh COVID-19 ha India hei sien nyngkong hadien 201 sngi da hiar ki hapoh 20,000 ngut deiwa em 18,795 ngut kiwa dang yoh ha kini ki 24 kynta hadien le sngi wa em ki hapoh 30,000 ngut. Kiwa dang chait da em ki 26,030 ngut, kiwa dang yap 179 ngut iwa mut wa kiwa dang em ya uni u khñiang da hiar ki da 7,414 ngut.
Ynnin i e tika da em biang i palat 1 klur sien ha chi sngi iwa da man la san sien wa da tam 1 klur chi sngi i e tika hapoh ka ri.
Kiwa dang chah ktah leh da hiar ki cha ka 2,92,206 ngut iwa duna dooh hadien 192 sngi, kiwa chait da em ki 97.81% iwa heh dooh nadooh u Wisu (Mar) 2020.
Ynnin ka sngi da em leh du 6 tylli ki jylla wa boon da kiwa dang yoh ya kiwa chait ki boon dooh wa tam da 358 ngut ha Mizoram wa 42 ngut ha Assam katwa ha kiwi ki jylla da em ki hapoh 10 ngut.
Ki jylla wa boon dooh kiwa dang chah ktah toh ha Kerala (1,57,733), Maharashtra (41,396), Tamil Nadu (17,261), Mizoram (15,843), Karnataka (12,833), Andhra Pradesh (12,482), West Bengal (7,584), Odisha (5,102), Assam (4,587), wa ha Telangana (4,585).
Ki jylla wa duna dooh wa em kiwa dang chah ktah toh ha Dadra and Nagar Haveli and Daman and Diu (00), Lakshadweep (05), Andaman & Nicobar Islands (11), Chandigarh (44), Bihar (57), Jharkhand (79), Rajasthan (86), Madhya Pradesh (118), Gujarat (142), Ladakh (148), Uttar Pradesh (176), Uttarakhand (218), Tripura (275), Punjab (284), Chhattisgarh (282), Arunachal Pradesh (319), Haryana (329), Delhi (366), Nagaland (426), Sikkim (601), Puducherry (866) wa ha Goa (862).
Ynnin ka sngi da leh 13,21,780 tylli ki Test heiwa kiwa chah ktah da em ki 1.42% kawa tip leh kam ka Positivity Rate kawa da neh hapoh 3% la 29 sngi.
Heiyatoh wa i e tika, da dep wow e la 87,07,08,636 sien heiwa ynnin ka sngi da e 1,02,22,525 sien.
Waroh kiwa da chait da em ki 97.81% kiwa em 3,29,58,002 ngut, kiwa dang chah ktah 0.87% kiwa em 2,92,206 ngut, kiwa yap 1.33% kiwa em 4,47,373 ngut, deilang dapoi 3,36,97,581 ngut kiwa da dep yoh ya uni u khñiang hapoh ka ri.
