Hadien wa jan dap 3 bnai, kiwa dang yoh ya u COVID-19 ha India da em ki hapoh 50 hajar ngut deiwa em 46,790 ngut kiwa dang yoh ha kini ki 24 kynta, kiwa dang chait da em ki 69,720 ngut, kiwa dang yap 587 ngut iwa mut wa kiwa dang em ya uni u khñiang da hiar ki da 23,517 ngut katkam ka yukheiñ ka Ministry of Health & Family Welfare.
Da ini wa duna kiwa dang yoh wei boon da kiwa chait, da pynduna ko ya kiwa dang em ya uni u khñiang kiwa da hiar cha ka 9.85% kiwa em 7.5 lak ngut.
78% kiwa dang chait toh kiwa na ki 10 tylli ki jylla kiwa boon dooh ha Maharashtra kiwa em palat 15,000 pynbood saka Karnataka kawa em palat 8,000 ngut.
Na kiwa dang yoh thymme, 75% toh kiwa na ki 10 tylli ki jylla kiwa boon dooh ha Maharashtra, Karnataka wa Kerala kiwa em palat 5,000 ngut kiwa dang yoh thymme.
Na ki 587 ngut kiwa dang yap iwa man leh ka sngi wa ar wa em hapoh 600 ngut, 81% na ki toh na ki 10 tylli ki jylla heiwa ha Maharastra da em 125 ngut kiwa yap.
Waroh kiwa kiwa da chait hapoh ka ri da em ki 88.63% kiwa ku naka 88.26% kiwa em 67,33,328 ngut; kiwa dang em ya uni u khñiang da em ki 9.85% kiwa em 7,48,538 ngut wa 1.52% kiwa yap kiwa em 1,15,197 ngut. Waroh kiwa da dep yoh ya uni u khñiang da em ki 75,97,063 ngut.
Kiwa chait da tam ki da 59,84,790 ngut ya kiwa dang em ya uni u khñiang iwa ku da 93,237 ngut nadooh ynnin ka sngi.
