Kiwa dang yoh COVID-19 ha India da hiar ki hapoh 4 lak ngut hadien 4 sngi heiwa ha kini ki 24 kynta kiwa dang yoh da em ki 3,66,161 ngut, kiwa dang chait da em ki 3,53,818 ngut, kiwa dang yap 3,754 ngut iwa mut wa kiwa dang em ya uni u khñiang da ku ki da 8,589 ngut.
74% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 48,401 ngut, Karnataka 47,030 ngut, Kerala 35,801 ngut, Tamil Nadu 35,801 ngut, Uttar Pradesh 23,175 ngut, Andhra Pradesh 22,164 ngut, West Bengal 19,441 ngut, Rajasthan 17,921 ngut, Haryana 13,548 ngut wa ha Delhi 13,336 ngut.
74% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 60,226 ngut, Uttar Pradesh 34,636 ngut, Karnataka 31,796 ngut, Kerala 29,318 ngut, Tamil Nadu 23,515 ngut, Andhra Pradesh 18,832 ngut, West Bengal 18,454 ngut, Rajasthan 16,880 ngut, Gujarat 14,770 ngut wa ha Delhi 14,738 ngut.
Na kiwa dang yap kiwa boon dooh toh ha Maharashtra 572 ngut, Karnataka 490 ngut, Uttar Pradesh 294 ngut, Delhi 273 ngut wa ha Tamil Nadu 236 ngut.
Ki jylla wa em palat 1 lak ngut kiwa dang em ya uni u khñiang da ku cha ka 13 tylli kiwa boon dooh ha Maharashtra 6,18,070 ngut Karnataka 5,64,505 ngut, Kerala 4,32,863 ngut, Uttar Pradesh 2,33,981 ngut, Rajasthan 2,00,189 ngut, Andhra Pradesh 1,90,632 ngut, Tamil Nadu 1,44,547 ngut, Gujarat 1,39,614 ngut, Chhattisgarh 1,26,547 ngut, West Bengal 1,26,027 ngut, Haryana 1,16,867 ngut, Bihar 1,10,805 ngut wa ha Madhya Pradesh 1,08,913 ngut.
Waroh kiwa da chait da em ki 82.39% kiwa em 1,86,71,222 ngut, kiwa dang em ya uni u khñiang da em ki 16.53% kiwa em 37,45,237 ngut, kiwa yap 1.09% kiwa em 2,46,116 ngut, deilang dapoi 2,26,61,575 ngut kiwa da dep yoh ya uni u khñiang hapoh ka ri.
Heiyatoh wa i e dawai tika COVID-19, da dep wow e la 17 klur sien (17,01,76,603) iwa da leh ha ki 114 sngi iwa man iwa smat dooh na waroh ki ri wow poi 17 klur sien heiwa ka USA da chimpor ko 115 sngi katwa ka China 119 sngi.
Ynnin ka sngi kawa man leh ka sngi wa 114 nadooh wa sdang wow e dawai tika hapoh ka ri, da e 6,89,652 sien.
