Kiwa dang yoh COVID-19 ha India ha kani ka tayaw da em ki hapoh 50,000 ngut la ar sien, wei la 19 sngi da em ki hapoh 1 lak ngut. Kiwa chait da tam ki ya kiwa dang yoh la 44 sngi khlem sangeh iwa da pynhiar ya kiwa dang chah ktah wow em ki hapoh 6 lak ngut.
Kiwa dang yoh ha kini ki 24 kynta da em ki 48,698 ngut, kiwa dang chait da em ki 64,818 ngut, kiwa yap 1,183 ngut iwa mut wa kiwa dang em ya uni u khñiang da em ki da hiar ki da 17,303 ngut.
Ha kini ki 24 kynta da em leh du ar tylli ki jylla wa boon da kiwa dang yoh ya kiwa chait kiwa kynthup ya ka Kerala wa boon da kiwa dang yoh da 372 ngut wa ka Meghalaya da 241 ngut.
Na ki 17,35,781 tylli ki Test wa da leh ynnin ka sngi, kiwa chah ktah da em ki 2.79% kawa tip leh kam ka Positivity Rate kawa da neh hapoh 5% la 19 sngi kattu.
Heiyatoh wa i e tika hapoh ka ri, da tam 31 klur sien wa da dep e iwa 31,50,45,926 sien heiwa ynnin ka sngi da e 61,19,169 sien.
Waroh kiwa da chait da em ki 96.72% kiwa em 2,91,93,085 ngut, kiwa dang chah ktah da em ki 1.97% kiwa em 5,95,565 ngut, kiwa yap 1.31% kiwa em 3,94,493 ngut, deilang dapoi 3,01,83,143 ngut kiwa da dep yoh ya uni u khñiang hapoh ka ri.
