Ka India da poi ko sa cha uwi u moomær ha ka thma pyrchah ya ka khlam COVID-19deiwa tam ko ya ka USA yei boon dooh i e tika iwa da poi 32.36 klur sien. Ka USA da sdang ko wow e tika nadooh ka 14-12-20 katwa ha India da sdang nadooh 16-01-21.
Kiwa dang yoh COVID-19 ha India la 21 sngi da neh ki hapoh 1 lak ngut, kiwa dang chait da boon ki ya kiwa dang yoh la 46 sngi heiwa ha kini ki 24 kynta kiwa dang yoh da em ki hapoh 50,000 ngut deiwa em 46,148 ngut, kiwa dang chait da em ki 58,578 ngut, kiwa dang yap da em ki 979 ngut iwa mut wa kiwa dang em ya uni u khñiang da hiar ki da 13,409 ngut.
Ha kini ki 24 kynta da em leh 4 tylli ki jylla wa boon da kiwa dang yoh ya kiwa chait wa kynthup ya ka Andaman & Nicobar Islands wa boon da kiwa dang yoh da 8 ngut, Maharashtra 1007 ngut, Manipur 144 ngut wa ha Nagaland 36 ngut.
Ha kini ki 24 kynta da leh 15,70,515 tylli ki Test heiwa kiwa chah ktah da em ki 2.94% kawa tip leh kam ka Positivity Rate kawa da neh hapoh 5% la 21 sngi kattu.
Heiyatoh wa i e tika hapoh ka ri, da dep wow e la 32,36,63,297 sien heiwa ynnin ka sngi da dep wow e la 17,21,268 sien.
Waroh kiwa da chait da em ki 96.80% kiwa em 2,93,09,607 ngut, kiwa dang chah ktah da em ki 1.89% kiwa em 5,72,994 ngut, kiwa yap 1.31% kiwa em 3,96,730 ngut, deilang dapoi 3,02,79,331 ngut kiwa da dep yoh ya uni u khñiang hapoh ka ri.
