Kiwa dang chah ktah ha u COVID-19 ha India dang pteiñ ki wow duna heiwa ha kini ki 24 kynta da hiar ki hapoh ka 6% cha ka 5.96% deiwa em 48,405 ngut kiwa dang chait, 45,903 ngut kiwa dang yoh, 490 ngut kiwa dang yap iwa mut wa kiwa dang em ya uni u khñiang da hiar ki da 2,992 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 8232 ngut, Kerala 6853 ngut, Delhi 6069 ngut, West Bengal 4383 ngut, Tamil Nadu 2386 ngut, Chhattisgarh 2257 ngut wa ha Andhra Pradesh 2256 ngut.
Ha kini ki 24 kynta da em leh 21 tylli ki jylla kiwa tam da kiwa chait ya kiwa dang yoh heiwa kiwa boon dooh wa tam toh ha Maharashtra 2772 ngut, Kerala 1437 ngut, Chhattisgarh 895 ngut, Telangana 651 ngut wa ha West Bengal 522 ngut.
Waroh kiwa da chait hapoh ka ri da em ki 92.56% kiwa ku naka 92.49% kiwa em 79,17,373 ngut; kiwa dang chah ktah da em ki 5.96% iwa hiar naka 6.03% kiwa em 5,09,673 ngut; wa 1.48% kiwa yap kiwa em 1,26,611 ngut, deilang da poi 85,53,657 ngut kiwa da dep yoh ya uni u khñiang.
Kiwa chait da tam ki da 74,07,700 ngut ya kiwa dang em ya uni u khñiang iwa ku da 51,397 ngut nadooh ynnin ka sngi.
