Kiwa dang chah ktah ha u COVID-19 ha India da hiar ki cha ki 6.43 lak ngut iwa duna dooh hadien 82 sngi deiwa pteiñ u boon da kiwa chait ya kiwa dang yoh la 41 sngi wei kiwa dang yoh leh da neh ki hapoh 1 lak ngut la 16 sngi.
Kiwa dang yoh ha kini ki 24 kynta da em ki 50,848 ngut, kiwa dang chait da em ki 68,817 ngut, kiwa dang yap da em ki 1,358 ngut iwa mut wa kiwa dang em ya uni u khñiang da hiar ki da 19,327 ngut.
Ha kini ki 24 kynta da em 7 tylli ki jylla wa boon da kiwa yoh ya kiwa chait kiwa kynthup ya ka Andaman & Nicobar Islands wa boon da kiwa dang yoh 6 ngut, Arunachal Pradesh (09), Assam (350), Dadra & Nagar Haveli and Daman & Diu (01), Kerala (746), Meghalaya (77) wa ha Mizoram (197).
Ynnin ka sngi da leh 19,01,056 tylli ki Test heiwa kiwa chah ktah da em ki 2.67% kawa tip leh kam ka Positivity Rate kawa da neh hapoh 5% la 16 sngi.
Waroh kiwa da chait da em ki 96.56% kiwa em 2,89,94,855 ngut, kiwa dang chah ktah da em ki 2.14% kiwa em 6,43,194 ngut, kiwa yap 1.30% kiwa em 3,90,660 ngut, deilang dapoi 3,00,28,709 ngut kiwa da dep yoh ya uni u khñiang iwa da pynman leh ya ka India ka ri kawa ar hadien ka USA wow tam 3 klur ngut kiwa da dep yoh ya u COVID-19.
Heiyatoh wa i e tika hapoh ka ri, da dep wow e la 29,46,39,511 sien heiwa ynnin ka sngi da dep e 54,24,374 sien.
