Kiwa dang chah ktah ha u COVID-19 ha India da hiar ki cha 8.26 lak ngut iwa duna dooh hadien 71 sngi deiwa pteiñ u boon kiwa chait ya kiwa yoh la 35 sngi khlem sangeh. Kiwa dang yoh leh da neh ki hapoh 1 lak ngut la 10 sngi khlem sangeh.
Kiwa dang yoh ha kini ki 24 kynta da em ki 67,208 ngut, kiwa dang chait da em ki 1,03,570 ngut, kiwa dang yap 2,330 ngut iwa mut wa kiwa dang em ya uni u khñiang da hiar ki da 38,692 ngut.
Ha kini ki 24 kynta da em leh 7 tylli ki jylla wa boon da kiwa dang yoh ya kiwa chait kiwa kynthup ya ka Dadra & Nagar and Daman & Diu wa boon da kiwa dang yoh 4 ngut, Manipur 334 ngut, Meghalaya 34 ngut, Mizoram 10 ngut, Telangana 42 ngut wa ha West Bengal 1106 ngut.
Na ki 19,31,249 tylli ki Test wa da leh ha kini ki 24 kynta, kiwa chah ktah da em ki 3.48% kawa tip leh kam ka Positivity Rate kawa da neh hapoh 5% la 10 sngi kattu.
Waroh kiwa da chait da em ki 95.93% kiwa em 2,84,91,670 ngut, kiwa dang chah ktah da em ki 2.78% kiwa em 8,26,740 ngut, kiwa yap 1.29% kiwa em 3,81,903 ngut, deilang dapoi 2,97,00,313 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka jylla, da dep wow e 26,55,19,251 sien heiwa ynnin ka sngi da e 34,63,961 sien.
