Kiwa dang yoh COVID-19 ha India da neh ki hapoh 2 lak ngut la 8 sngi, kiwa chait da pteiñ ki wow tam ya kiwa yoh la 22 sngi iwa da pynhiar leh ya kiwa dang chah ktah wow em ki hapoh 17 lak ngut wei kiwa yoh ya u khñiang na kiwa chah Test da em ki hapoh 10% la 11 sngi.
Kiwa dang yoh ha kini ki 24 kynta da em ki 1,32,364 ngut, kiwa dang chait da em ki 2,07,071 ngut, kiwa dang yap 2,713 ngut iwa mut wa kiwa dang em ya uni u khñiang da hiar ki da 77,420 ngut.
Ha kini ki 24 kynta da em du 4 tylli ki jylla wa boon da kiwa dang yoh ya kiwa dang chait kiwa ha Arunachal Pradesh wa boon da kiwa dang yoh da 26 ngut, Jharkhand 230 ngut, Mizoram 95 ngut wa ha Sikkim 81 ngut.
Na ki 20,75,428 tylli ki Test wa da leh ha kini ki 24 kynta, kiwa chem wa chah ktah toh 6.37% iwa da hiar na ynnin iwa 6.62% wei iwa da neh hapoh 10% la 11 sngi.
Waroh kiwa da chait da em ki 93.08% kiwa em 2,65,97,655ngut, kiwa dang chah ktah da em ki 5.73% kiwa em 16,35,993 ngut, kiwa yap 1.19% kiwa em 3,40,702 ngut, deilang dapoi 2,85,74,350 ngut kiwa da dep yoh ya uni u khñiang.
Heiyatoh wa i e dawai tika da dep wow e la 22,41,09,448 sien heiwa ynnin ka sngi da e 28,75,286 sien hapoh ka ri.
