La ar sngi ha u 2021 kiwa dang yoh COVID-19 ha India da em ki hapoh 20,000 ngut heiwa ha kini ki 24 kynta kiwa dang yoh da em ki 18,177 ngut, kiwa dang chait da em ki 20,923 ngut, kiwa dang yap 217 ngut iwa mut wa kiwa dang em ya uni u khñiang da duna ki da 2,963 ngut.
Kiwa chait da tam ki ya kiwa dang yoh la 37 sngi heiwa ha kini ki 24 kynta kiwa dang chait kiwa boon dooh toh ha Kerala 4,985 ngut, Maharashtra 2,110 ngut, Chhattisgarh 1,963 ngut, West Bengal 1,443 ngut, Uttar Pradesh 1,190 ngut, Tamil Nadu 1,007 ngut, Karnataka 976 ngut, Gujarat 922 ngut, Rajasthan 890 ngut wa ha Madhya Pradesh 855 ngut.
Na kiwa dang yoh, kiwa boon dooh toh ha Kerala 5,328 ngut, Maharashtra 3,218 ngut, Chhattisgarh 1,147 ngut, Tamil Nadu 910 ngut, West Bengal 863 ngut, Karnataka 755 ngut, Gujarat 741 ngut, Madhya Pradesh 731 ngut, Uttar Pradesh 683 ngut wa ha Delhi 494 ngut.
Waroh kiwa da chait da em ki 96.16% kiwa ku naka 96.12% kiwa em 99,27,310 ngut; kiwa dang em ya uni u khñiang da em ki 2.39% kiwa hiar naka 2.43% kiwa em 2,47,220 ngut; 1.45% kiwa yap kiwa em 1,49,435 ngut; deilang waroh kiwa da dep yoh da em ki 1,03,23,965 ngut hapoh ka ri.
Kiwa chait da tam ki da 96,80,090 ngut ya kiwa dang em ya uni u khñiang iwa ku da 23,886 ngut nadooh ynnin ka sngi.
