Ka India da poi ko sa cha uwi u moomær wa emkaam haka thma pyrchah ya u COVID-19 heiwa kiwa dang chah ktah da em ki hapoh 2 lak ngut (1.97 lak) deiwa em 16, 988 ngut kiwa dang chait ha kini ki 24 kynta iwa da pynu leh ya kiwa chait cha ka 96.70%. Kiwa dang yoh ha kini ki 24 kynta da em ki 13,823 ngut, kiwa yap 162 ngut, iwa mut wa kiwa dang em ya uni u khñiang da duna ki da 3,327 ngut.
Ini i em hapoh 2 lak ngut kiwa dang chah ktah da wan i hadien 6 bnai 24 sngi (207 sngi) iwa da em 1,97,387 ngut kiwa chah ktah haka 27-06-20.
Na kiwa dang chah ktah, 72% toh kiwa em ha ki 5 tylli ki jylla kiwa boon dooh ha Kerala 35.74%, Maharashtra 25.16%, Uttar Pradesh 4.14%, Karnataka 4.00%, West Bengal 3.44% katwa ki 27.52% toh kiwa em ha kiwi ki jylla kiwa sah.
Da em leh 34 tylli ki jylla kiwa em hapoh 10,000 ngut kiwa dang chah ktah heiwa kiwa duna dooh toh ha D&D & D&N (9), Lakshadweep (21), A&N Islands (30), Tripura (38), Arunachal Pradesh (52), Mizoram (67), Ladakh (79), Nagaland (112), Meghalaya (133), Sikkim (156), Chandigarh (185) toh ki jylla wa em hapoh 200 ngut kiwa dang chah ktah.
Kiwa da yoh won ya i dawai yada COVID-19 hadooh ynne i step da em ki 6,74,835 ngut, heiwa ha kini ki 24 kynta kiwa dang yoh ya ini i dawai da em ki 2,20,786 ngut.
Waroh kiwa chait da em ki 96.70% iwa ku naka 96.66% kiwa em 1,02,45,741 ngut; kiwa dang em ya uni u khñiang da em ki 1.86% kiwa hiar naka 1.90% kiwa em 1,97,201 ngut; 1.44% kiwa yap kiwa em 1,52,718 ngut, deilang dapoi 1,05,95,660 ngut kiwa da dep yoh ya uni u khñiang hapoh ka ri.
Kiwa chait da tam ki da tam ki da 1,00,48,540 ngut ya kiwa dang em ya uni u khñiang iwa ku da 20,315 ngut nadooh ynnin ka sngi.
