Kiwa dang yoh COVID-19 ha India dang pteiñ ki wow duna kiwa em hapoh 2 lak ngut khlem sangeh la 5 sngi, wei kiwa chait la 19 sngi da boon ki ya kiwa dang yoh wei kiwa dang chah ktah da hiar ki hapoh 20 lak ngut hadien 43 sngi.
Na ki 19,25,474 tylli ki nongmuna kiwa da Test, kiwa yoh ya u khñiang da em ki 6.62% kawa tip leh kam ka Positivity Rate kawa da neh hapoh 10% la 8 sngi kattu.
Kiwa dang yoh ha kini ki 24 kynta da em ki 1,27,510 ngut, kiwa dang chait da em ki 2,55,287 ngut, kiwa dang yap da em ki 2,795 ngut iwa mut wa kiwa dang em ya uni u khñiang da hiar ki da 1,30,572 ngut.
Da em leh du 4 tylli ki jylla wa boon da kiwa dang yoh ya kiwa chait, kitæ ha Ladakh wa tam da kiwa dang yoh 59 ngut, Manipur 309 ngut, Mizoram 111 ngut wa ha Sikkim 60 ngut.
Da em leh 5 tylli ki jylla wa em palat 10,000 ngut kiwa dang yoh kiwa boon dooh ha Tamil Nadu 27,936 ngut, Karnataka 16,604 ngut, Maharashtra 15,077 ngut, Kerala 12,300 ngut wa ha West Bengal 10,137 ngut.
Ki jylla wa em palat 1 lak ngut kiwa dang chah ktah da em ki 5 tylli kiwa boon dooh ha Karnataka 3,13,751 ngut, Tamil Nadu 3,01,781 ngut, Maharashtra 2,56,178 ngut, Kerala 2,07,379 ngut wa ha Andhra Pradesh 1,53,795 ngut.
Waroh kiwa da chait da em ki 92.09% kiwa em 2,59,47,629 ngut, kiwa dang chah ktah da em ki 6.73% kiwa em 18,95,520 ngut, kiwa yap 1.18% kiwa em 3,31,895 ngut, deilang dapoi 2,81,75,044 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 21,58,18,547 sien heiwa ha kini ki 24 kynta da e 27,80,058 sien.
