La 5 sngi ha India kiwa dang yoh ya u COVID-19 da em ki hapoh 50 hajar ngut heiwa ha kini ki 24 kynta kiwa dang yoh da em ki 48,648 ngut, kiwa dang chait da em ki 57,386 ngut, kiwa dang yap da em ki 563 ngut iwa mut wa kiwa dang em ya uni u khñiang da duna ki da 9,301 deiwa pteiñ kiwa chait u boon ya kiwa dang yoh iwa da jan dap chi bnai.
Ini i pteiñ u boon kiwa dang chait da pynduna ko leh ya kiwa dang em ya uni u khñiang kiwa da hiar hapoh 6 lak deiwa em 5,94,386 ngut, iwa da yarap deiwa boon kiwa chait ha Kerala 8,474 ngut, Maharashtra 7,883 ngut, Karnataka 7,661 ngut, Delhi 4,138 ngut, Tamil Nadu 4,087 ngut, West Bengal 3,945 ngut wa ha Andhra Pradesh 3,243 ngut.
Da em leh 23 tylli ki jylla kiwa da boon da kiwa chait ya kiwa dang yoh ha kini ki 24 kynta kiwa boon dooh ha Karnataka 3,681 ngut, Maharashtra 2,37 ngut, Kerala 1,480 ngut wa ha Tamil Nadu 1,470 ngut.
Kiwa chait hapoh ka ri da em ki 91.15% iwa ku naka 90.99% kiwa em 73,73,375 ngut; kiwa dang em ya uni u khñiang da em ki 7.35% iwa hiar naka 7.51% kiwa em 5,94,386 ngut wa 1.50% kiwa yap kiwa em 1,21,090 ngut. Waroh kiwa da dep yoh da em ki 80,88,851 ngut.
Kiwa chait da tam ki da 67,78,989 ngut ya kiwa dang em ya uni u khñiang iwa ku da 66,687 ngut nadooh ynnin ka sngi.
