Ka India da poi ko sa cha uwi u moomær wa emkaam ha kani ka yaleh pyrchah ya la-ær wa ar ka khlam COVID-19 heiwa kiwa dang chah ktah da hiar ki hapoh 9 lak ngut hadien 70 sngi wei kiwa dang yoh leh da neh ki hapoh 1 lak ngut la 9 sngi katwa kiwa chait leh da tam ki ya kiwa dang yoh la 34 sngi.
Kiwa dang yoh ha kini ki 24 kynta da em ki 62,224 ngut, kiwa dang chait da em ki 1,07,628 ngut, kiwa dang yap da em ki 2,542 ngut iwa mut wa kiwa dang em ya uni u khñiang da hiar ki da 47,946 ngut.
Ha kini ki 24 kynta da em leh du 4 tylli ki jylla wa boon da kiwa dang yoh ya kiwa dang chait kiwa kynthup ya ka Assam wa boon da kiwa dang yoh 475 ngut, Dadra & Nagar Haveli and Daman & Diu 2 ngut, Manipur 301 ngut wa ha West Bengal 1125 ngut.
Na ki 19,30,987 tylli ki Test wa da leh ynnin ka sngi, kiwa chah ktah da em ki 3.22% kawa tip leh kam ka Positivity Rate kawa da neh hapoh 5% la 9 sngi kattu.
Waroh kiwa da chait da em ki 95.80% kiwa em 2,83,88,100 ngut, kiwa dang chah ktah da em ki 2.92% kiwa em 8,65,432 ngut, kiwa yap 1.28% kiwa em 3,79,573 ngut, deilang dapoi 2,96,33,105 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 26,19,72,014 sien heiwa ynnin ka sngi da e 28,00,458 sien.
