Kiwa dang yoh COVID-19 ha India da pteiñ ki wow hiar heiwa ha kini ki 24 kynta kiwa dang yoh da hiar ki hapoh 1 lak ngut iwa da pynhiar ya kiwa dang chah ktah wow em ki awjan hapoh 11 lak ngut.
Kiwa dang yoh ha kini ki 24 kynta da em ki 83,876 ngut, kiwa dang chait 1,99,054 ngut wa 895 ngut kiwa yap iwa mut wa kiwa dang chah ktah da hiar ki da 1,16,073 ngut.
Ynnin ym em leh kawi ka jylla wa boon da kiwa dang yoh ya kiwa chait heiwa kiwa chait da tam boon dooh ki ha Kerala da 23,047 ngut, Tamil Nadu 17,050 ngut wa ha Maharashtra 15,575 ngut.
Ynnin da leh 11,56,363 tylli ki Test heiwa kiwa chah ktah da em ki 7.25% kawa tip leh kam ka Positivity Rate kawa da hiar naka 7.42% ynnin ka sngi.
Waroh kiwa dang chah ktah da em ki 11,08,938 ngut kiwa em 2.62%, kiwa da chait 4,06,60,202 ngut kiwa em 96.19%, kiwa yap 5,02,874 ngut kiwa em 1.19%.
Heiyatoh wa i e tika da em ki 1,69,63,80,755 sien heiwa ynnin ka sngi da e 14,70,053 sien.
