Kiwa dang yoh COVID-19 ha kini ki 24 kynta da em ki hapoh 1 lak ngut hadien 63 sngi wei man i leh iwa duna dooh ha ki 66 sngi, kiwa chait leh da pteiñ ki wow boon ya kiwa dang yoh la 26 sngi khlem sangeh iwa da pynhiar leh ya kiwa dang chah ktah wow em ki hapoh 14 lak ngut.
Kiwa dang yoh ha kini ki 24 kynta da em ki 86,498 ngut, kiwa dang chait da em ki 1,82,282 ngut, kiwa yap 2,123 ngut iwa mut wa kiwa dang em ya uni u khñiang da hiar ki da 97,907 ngut.
Ha kini ki 24 kynta da em leh du 3 tylli ki jylla/UT wa boon da kiwa dang yoh ya kiwa dang chait kiwa kynthup ya ka Dadra & Nagar Haveli and Daman & Diu wa boon da kiwa dang yoh 25 ngut, Mizoram 109 ngut wa ha Tripura 97 ngut.
Na waroh ki 18,73,485 tylli ki Test wa da leh ynnin ka sngi, kiwa chah ktah da em ki 4.62% kawa tip leh kam ka Positivity Rate kawa da neh hapoh 10% la 15 sngi kattu.
Waroh kiwa da chait da em ki 94.29% kiwa em 2,73,41,462 ngut, kiwa dang chah ktah da em ki 4.50% kiwa em 13,03,702 ngut, kiwa yap 1.21% kiwa em 3,51,309 ngut, deilang dapoi 2,89,96,473 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 23,61,98,726 sien heiwa ynnin ka sngi da e 33,64,476 sien.
