Kiwa yoh COVID-19 ha India da pteiñ ki wow hiar heiwa ha kini ki 24 kynta da jan hiar ki hapoh chi lak ngut heiwa kiwa dang chah ktah leh da jan em ki hapoh 12 lak ngut na palat 20 lak tam heipor wa joor dooh ka la-ær wa le ka khlam hapoh ka ri.
Kiwa dang yoh da em ki 1,07,474 ngut, kiwa dang chait 2,13,246 ngut, kiwa yap 865 ngut iwa mut wa kiwa dang chah ktah da hiar ki da 1,06,637 ngut.
Ynnin ka sngi lait noh ha Andaman & Nicobar Islands, waroh kiwi ki jylla da boon da kiwa chait ya kiwa dang yoh.
Ynnin ka sngi da leh 14,48,513 tylli ki Test heiwa kiwa chah ktah da em ki 7.42% kawa tip leh kam ka Positivity Rate kawa da hiar naka 7.98% ynnin ka sngi.
Waroh kiwa dang chah ktah da em ki 12,25,011 ngut kiwa em 2.90%, kiwa chait da em ki 4,04,61,148 ngut iwa mut 95.91% kiwa yap 5,01,979 ngut iwa mut 1.19%.
Heiyatoh wa i e tika hapoh ka ri, da dep wow e la 1,69,46,26,697 sien heiwa ynnin ka sngi da e 45,10,770 sien.
