10 sngi hadien wa da em bait hapoh 50 hajar ngut kiwa dang yoh COVID-19 ha India heiwa ynnin da em 30,548 ngut kiwa dang yoh, ha kini ki 24 da duna chooh chooh deiwa em 29,163 ngut kiwa dang yoh katwa kiwa dang chait da em ki 40,791 ngut, kiwa dang yap da em ki 449 ngut iwa mut wa kiwa dang em ya uni u khñiang da duna ki da 12,077 ngut katkam ka yukheiñ ka Ministry of Health & Family Welfare.
Ini i duna kiwa dang yoh wei i boon bait da kiwa da chait da pteiñ i kattu la 45 sngi heiwa na ki 12.6 klur tylli ki Test kiwa da dep leh, kiwa da dep yoh ya uni u khñiang katni da em ki 7.01% kawa tip leh kam ka Positivity Rate.
Ki 10 tylli ki jylla wa boon dooh kiwa dang chait kiwa em leh 73% na kiwa dang yoh toh ha Kerala 6,567 ngut, West Bengal 4,376 ngut, Delhi 3,560 ngut, Maharashtra 3,001 ngut, Tamil Nadu 2,384 ngut, Haryana 2,349 ngut, Karnataka 2,188 ngut, Uttar Pradesh 1,889 ngut, Rajasthan 1,810 ngut wa ha Telangana 1,602 ngut.
75% kiwa dang yoh toh kiwa em ha ki 10 tylli ki jylla kitæ ha Delhi 3,797 ngut, West Bengal 3,012 ngut, Kerala 2,710 ngut, Maharashtra 2,535 ngut, Rajasthan 2,169 ngut, Haryana 2,153 ngut, Tamil Nadu 1,725 ngut, Uttar Pradesh 1,546 ngut, Karnataka 1,157 ngut wa ha Chhattisgarh 1,110 ngut.
78% kiwa dang yap da em ki ha ki 10 tylli ki jylla kiwa boon dooh ha Delhi 99 ngut, Maharashtra 60 ngut, West Bengal 53 ngut, Chhattisgarh 26 ngut, Punjab 22 ngut, Uttar Pradesh 21 ngut, Kerala 19 ngut, Haryana 19 ngut, Tamil Nadu 17 ngut wa ha Odisha 16 ngut.
Kiwa da chait da em ki waroh 93.42% iwa ku naka 93.27% kiwa em 82,90,370 ngut, kiwa dang em ya uni u khñiang da em ki 5.11% iwa hiar naka 5.26% kiwa em 4,53,401 ngut; 1.47% kiwa yap kiwa em 1,30,519 ngut iwa da poi waroh 88,74,290 ngut kiwa da dep yoh ya uni u khñiang hapoh ka ri.
Kiwa da chait da tam ki da 78,36,969 ngut ya kiwa dang em ya uni u khñiang kiwa ku da 52,868 ngut nadooh ynnin ka sngi.
