Kiwa dang COVID-19 ha India da hiar ki hapoh 30,000 ngut hadien 132 sngi wei da neh ki hapoh 50,000 ngut la 30 sngi. Ynne kiwa dang chah ktah leh da hiar ki hapoh 4 lak ngut hadien 124 sngi.
Kiwa dang yoh ha kini ki 24 kynta da em ki 29,689 ngut, kiwa dang chait da em ki 42,363 ngut, kiwa dang yap 415 ngut iwa mut wa kiwa dang em ya uni u khñiang da hiar ki da 13,089 ngut.
Ynnin ka sngi da em 8 tylli ki jylla wa boon da kiwa dang yoh ya kiwa chait kiwa boon dooh ha Meghalaya wa tam da kiwa dang yoh 77 ngut, Arunachal Pradesh 53 ngut wa ha Tripura 21 ngut.
Ki jylla wa boon dooh kiwa dang chah ktah toh ha Kerala (1,37,318), Maharashtra (92,088), Karnataka (23,080), Tamil Nadu (22,762), Andhra Pradesh (21,748), Odisha (16,230), Assam (14,929), West Bengal (11,566) wa ha Telangana (9,325).
Ki jylla wa duna dooh wa em kiwa dang chah ktah toh ha Andaman & Nicobar Islands (14), Chandigarh (36), Dadra and Nagar Haveli and Daman and Diu (45), Lakshadweep (82), Ladakh (70), Madhya Pradesh (140), Jharkhand (246), Rajasthan (298), Gujarat (312), Bihar (468), Delhi (537), Uttarakhand (638),wa ha Haryana (711).
Ynnin ka sngi da leh 17,20,110 tylli ki Test heiwa kiwa chah ktah da em ki 1.73% kawa tip leh kam ka Positivity Rate kawa da neh hapoh 3% la 26 sngi.
Heiyatoh wa i e tika hapoh ka ri, da dep wow e la 44,19,12,395 sien heiwa ynnin ka sngi da e 66,03,112 sien.
Waroh kiwa da chait da em ki 97.39% kiwa em 3,06,21,469 ngut, kiwa dang chah ktah da em ki 1.27% kiwa em 3,98,100 ngut, kiwa yap 1.34% kiwa em 4,21,382 ngut, deilang dapoi 3,14,40,951 ngut kiwa da dep yoh ya uni u khñiang hapoh ka ri.
