Kiwa dang yoh COVID-19 ha India da hiar ki hapoh 40,000 ngut hadien 102 sngi wei da neh ki hapoh 1 lak ngut la 22 sngi heiwa kiwa chait leh da boon ki ya kiwa dang yoh la 47 sngi.
Kiwa dang yoh ha kini ki 24 kynta da em ki 37,566 ngut, kiwa dang chait da em ki 56,994 ngut, kiwa dang yap 907 ngut iwa mut wa kiwa dang em ya uni u khñiang da hiar ki da 20,335 ngut.
Ha kini ki 24 kynta ki jylla wa boon da kiwa dang yoh ya kiwa chait da em ki 4 tylli wa kynthup ya ka Arunachal Pradesh wa boon da kiwa dang yoh da 82 ngut, Ladakh 27 ngut, Mizoram 108 ngut wa Tripura 34 ngut.
Ki jylla wa em palat 50,000 ngut kiwa dang chah ktah toh ka Maharashtra (1,21,050), Karnataka (97,615) wa ka Kerala (96,472).
Na ki jylla ka thaaiñ Northeast kiwa boon dooh kiwa dang chah ktah toh ha Assam (26,390) iwa pynbood sa ka Manipur (5642), Mizoram (4432), Meghalaya (4378), Tripura (3531), Arunachal Pradesh (2577), Sikkim (2072) wa ha Nagaland (1397).
Na ki 17,68,008 tylli ki Test wa da leh ynnin ka sngi, kiwa chah ktah da em ki 2.12% kawa tip leh kam ka Positivity Rate kawa da neh hapoh 5% la 22 sngi.
Heiyatoh wa i e tika hapoh ka ri, da dep wow e la 32,90,29,510 sien heiwa ynnin ka sngi da e 52,76,457 sien.
Waroh kiwa da chait da em ki 96.87% kiwa em 2,93,66,601 ngut, kiwa dang chah ktah da em ki 1.82% kiwa em 5,52,659 ngut, kiwa yap 1.31% kiwa em 3,97,637 ngut, deilang dapoi 3,03,16,897 ngut kiwa da dep yoh ya uni u khñiang hapoh ka ri.
