Ka ri India da poi ko sa cha uwi u moomær ha ka yaleh pyrchah ya ka khlam COVID-19 heiwa kiwa dang yoh da em ki hapoh 50,000 ngut hei sien wa nyngkong hadien 91 sngi wei da ye leh wow e 86.16 lak sien yei dawai tika ynnin ka sngi iwa man leh iwa boon dooh ha chi sngi hapoh pyrthai.
Kiwa dang chah ktah leh da hiar ki hapoh 7 lak ngut hadien 79 sngi deiwa boon da kiwa chait ya kiwa dang yoh la 40 sngi heiwa kiwa dang yoh da neh ki hapoh 1 lak ngut la 15 sngi.
Kiwa dang yoh ha kini ki 24 kynta da em ki 42,649 ngut, kiwa dang chait da em ki 81,839 ngut, kiwa dang yap 1,167 ngut iwa mut wa kiwa dang em ya uni u khñiang da hiar ki da 40,366 ngut.
Ha kini ki 24 kynta da em leh du 3 tylli ki jylla wa boon da kiwa dang yoh ya kiwa dang chait wa kynthup ya ka Arunachal Pradesh wa boon da kiwa dang yoh 24 ngut, Ladakh 2 ngut wa ha Mizoram 95 ngut.
Ynnin ka sngi da leh 16,64,360 tylli ki Test heiwa kiwa yoh ya u khñiang da em ki 2.56% kawa tip leh kam ka Positivity Rate kawa da neh hapoh 5% la 15 sngi kattu.
Heiyatoh wa i e tika, ynnin ka sngi da e 86,16,373 sien heiwa waroh da dep wow e la 28,87,66,201 sien.
Waroh kiwa da chait da em ki 96.49% kiwa em 2,89,26,038 ngut, kiwa dang chah ktah da em ki 2.21% kiwa em 6,62,521 ngut, kiwa khlaad 1.30% kiwa em 3,89,302 ngut, deilang dapoi 2,99,77,861 ngut kiwa da dep yoh ya uni u khñiang hapoh ka ri.
