Kiwa dang yoh COVID-19 ha India da pteiñ ki wow hiar wei da em ki hapoh ka 50,000 ngut hei sien nyngkong nadooh ka 04-01-22 hadien wa sdang ka khlam u joor iwa da man kam i dak wa ka la’ær wa le ka khlam da neh ko kamwa chi bnai tam donhi heiwa kiwa boon ki jylla leh da pynkyllooid ki ya kiwa boon ki kyndon wa kdoh wa khoom.
Kiwa dang yoh ha kini ki 24 kynta da em ki 44,877 ngut, kiwa dang chait 4,15,85,711 ngut, kiwa yap 684 ngut iwa mut wa kiwa dang chah ktah da hiar ki da 73,398 ngut.
Ha kini ki 24 kynta da em du kawi ka jylla wa boon da kiwa dang yoh kattæ ka Dadra and Nagar Haveli and Daman and Diu wa tam da uwi katwa ki jylla wa boon wa tam da kiwa chait toh ha Kerala 24,062 ngut, Maharashtra 8659 ngut wa ha Tamil Nadu 8359 ngut.
Ynnin da leh 14,15,279 tylli ki Test heiwa kiwa chah ktah da em ki 3.17% kawa tip leh kam ka Positivity Rate kawa da hiar na 3.48% ynnin.
Waroh kiwa dang chah ktah da em ki 5,37,045 ngut iwa mut 1.26%, kiwa chait 4,15,85,711 ngut, kiwa yap 5,08,665 ngut kiwa em 1.19%.
Heiyatoh wa i e tika hapoh ka ri da dep wow e la 1,72,81,49,447 sien heiwa ynnin ka sngi da e 49,16,801 sien.
